الاثنين، 22 أغسطس، 2011

تجميعة مختارة من هاش تاج flagman#


(جميع الحقوق محفوظة لأصحاب تلك الجمل ، وعذراُ لعدم مقدرتي على ذِكر الأسماء).
****

ضل اسرائيلي طريقه إلي سفارة بلاده فسأل أحد المارة: لو سمحت سفارة اسرائيل فين؟ فرد عليه:هي يابني اللي عليها علم مصر دي.

توفيق عكاشة : تعرف يا احمد يا شحات تقول لي تمن جوز الارانب البلدي كام ؟

- عمرو مصطفى: ايه اللى يضمنلى ان احمد الشحات ده مش فوتوشوب ؟

-من كُتر ما تعلّمنا نمشي جنب الحيط طلّعنا مواهب في المشي عليه !

هل سيكون أحمد الشحات على كل البرامج بكره؟ يتحط صوره ع البروفايلات؟ يتكلم بإسم الثورة فيكرهه الثوار؟ فيعملوا زبايدر فيديوهات تخوين؟

- أهو جالك يا إزبايدر سبايدر حقيقي أهو.

بيقولك مرة الصهاينة حطوا سفارتهم في الدور الأخير .. طلع الشباب المصري بيطير.

- عاجل : عمرو مصطفى : الشحات ممول من إسرائيل، سمع إعلان كوكاكولا إفرد جناحك وطير ف الهوا ! لأ تعالى !

العشرة الاواخر من رمضان شكل كل يوم فيهم هيبقي عيد.

من احمد الشحات الفلاج مان الى احمد اسبايبدر مان طير انت.

اللي طلعوا خالد سعيد مدمن .. بكرة يطلعوا أحمد الشحات " حرامي غسيل "

الناس اللي بتقول ايه البطولة فى حرق علم و تنزيله من علي عمارة,أحب أطلب منك طلب, نط على بلكونة جيرانكم اللى جنبكم و أرجع عشان نتكلم.

نداء الى البطل احمد الشحات ياريت تطلعلنا فوق سطح ماسبيرو وتعدلنا الطبق ناحية مصر شويه.

الحمد لله.. أمس كانت ليلة الفلاق مان (رجل العلم) والليلة ليلة الرات مان (الرجل الفأر)........ (في إشارة للقذافي ربنا يجحمه).

ما فعله الشعب المصري عقب أحداث الحدود مع أسرائيل رساله للحكومة والمجلس عالعسكري مفادها : (أكبـــر وسيطـــــــــــــــر).

-
يعني ايه البت تقولي مش حاتجوزك إلا لو جبتلي علم اسرائيل من فوق مبني الأمم المتحدة؟؟!!! منك لله يإللي في بالي

- إمشي ع الحيط، يحتار عدوك فيك.

- عذرا نيوتن.. المصريون لا يعترفون بقانون الجاذبية.

محمد العباسي اول واحد رفع العلم المصري في سيناء سنة 73 من فرحتهم بيه سموه محمد رفع العلم .. دلوقتي عندنا احمد حرق العلم.

قال ايه الصهاينه هيقدمو بلاغ ضد احمد الشحات ياريت بقى يضمو الشعب المصري كله في البلاغ ويكون الديب هو محامي الصهاينة.

صوتى يا أم شاليط....دول عندهم رجالة بتمشى على الحيط!

فريد الديب: مبارك هو المتسلق الحقيقي للسفارة بس الدنيا كانت ضلمه و الناس ماخدتش بالها أومـــــــــــــــــــــــااال.

هناك 4 تعليقات:

  1. مجموعة جميلة ..
    و خصوصا بتاعت جهبذ جيله عمرو مصطفى ( - عاجل : عمرو مصطفى : الشحات ممول من إسرائيل، سمع إعلان كوكاكولا إفرد جناحك وطير ف الهوا ! لأ تعالى )

    ردحذف
  2. مجموعة ظريفة.. انا كنت قرأت بعضهم.. بس في كتير اول مرة اقرأهم.. حلوين فعلا.. :)

    ردحذف

إتكلّم!