الجمعة، 5 أغسطس، 2011

7 نصائح حتى يصبح رمضانك (مبارك) بإذن الله*


*من وحي أحداث حقيقية.

حتى يصبح رمضانك (مبارك) أنت بحاجة إلى :

1- أن تظل محبوساً في بيتك (أو قفص اتهامك لو حبيت) تنتظر – بلا مبالاة- الإفطار (أو الحكم ) كمن ينتظر أوردر تِكّا.

2- احمل مصفحك معك، ولكن لا تحاول أن تقرأ فيه (المصحف لزوم المنظر بس).

3-  سلّي صيامك… (العب في مناخيرك، بص ف ساعتك كل شوية، اتكلم مع اللي جمبك).

4- بما أننا في الحر فحاول أن تلبس لبساً مريحاً (ترننج أبيض مثلا ؟!).

5- الصيام سيجعلك تعطش، يمكنك في الخباثة أن تشرب من الثلاجة، لو قُبض عليك متلبساً فعليك أن تنكر جميع التهب المنسوبة إليك (إعمل عبيط).

6- إعمل فيها ميّت ومتهالك، استأجر عدة أشخاص (يزقوك) بسريرك الخاص للتحرك من وإلى الأماكن التي تريدها.

7- رمضان بيحب لمّة العيلة، لا مانع من أن تجتمع مع ابنيك (كانت حركة حلوة منك)، ولكن المرة القادمة أرجوك، لا تنسى إحضار (المدام) معك.

هناك 7 تعليقات:

  1. ايه النصائح الهباب دى
    هتودينا فى داهية يا ابنى :):):)

    ماهر

    ردحذف
  2. استغفر الله العظيم
    ايه الكلام ده؟
    ايه وجهة نظر حضرتك يعني؟

    ردحذف
  3. amramoor :

    اممم .. حضرتك مصري/ة ؟!
    لو الإجابة آه وشفت/ي جرايد النهاردة واللي حصل امبارح يبقى حضرتك المفروض تكون/ي فاهم/ة وجهة نظري!

    ردحذف
  4. عادي وضحهالي هنا عشان مش فاكر امبارح ده اللى حصل فيه ايه
    لاني ما شوفتش ردك غير دلوقتي
    وكمان مش بتابع اخبار جرايد

    ردحذف
  5. محاكمة مبارك وعلاء وجمال ... لو شفت/ي الفيديو هتفهم/ي قصدي تماما.

    http://www.youtube.com/watch?v=uC64lnFn1po

    ردحذف
  6. مش ممكن ...رائعة لقد قرأتها أكثر من مرة وفى كل مرة أزداد اعجابا بها..رؤية جيدة للى متابع الأحداث بجد..

    ردحذف
  7. I like it 3. Salem.. so cool and it's like seeing the trail again :)

    ردحذف

إتكلّم!