الجمعة، 29 يوليو، 2011

كلمات وطنية معدّلة


مشربتش من نيلها .. ومش هشرب.. إنتا عايز يجيلي حصوات ف بطني ؟!

مصر قالت صوت ولادي كلمة الحق ف بلادي .. بس مش عارفة ليه بعد ما كان ظاهر كويس بقه بيقطّع تاني.

مصر هيّا أمي .. ونيلها هوّا دمي.. وBla bla bla !

 بسم الله .. الله أكبر بسم الله بسم الله .. هنبتدي ناكل أهو.

 لو لم أكن مصرياً.. لكنت ببوس إيدي وش وضهر دلوقتي.

 فيها حاجة حلوة.. بل حاجات حلوة كمان.. مصاصة تاتّو.. والرشيدي الميزان.. وغيره وغيره.

 لا يا مصري لا ولااا..لا وألف لاااا (خلقت لأعترض).

 يا بلادي يا بلادي .. أنا بحبك يا بلادي.. قولوا لأمي ماتزعليش.. وحياتي عندك متعيطيش.. لحسن أعيط أنا كمان ونقلبها مناحة.

 لقد خلقنا الله أحرارا ولم يخلقنا تراثا أو عقاراً.. بس نعمل إيه ؟! أهو اللي حصل بقه.

 يا حبيبتي يا مصر .. مش هينفع نكمّل مع بعض.

وأنااااااا .. على الربابة بولوِل.

وقف الخلق ينظرون جميعاً.. (يا دي الكسوف يا جدعان).

 أصله معداش على مصر... (يا بخته).

إذا الشعب يوماً أراد الحياة فلا بد أن يروح يجيبها بنفسه.


* مع كامل احترامي لكل الشخصيات التي غنّت أو قالت أو ألّفت تلك الجُمل، ومع كامل احترامي لك لو أخذت هذا الهزار بنفس روحه مش أكتر.


هناك 5 تعليقات:

  1. يا عديم الوطنية
    انا هعملها مجهول عشان متعرفش ان انا أحمد ماهر
    :):):)
    انا مجهول ماشى ؟

    ردحذف
  2. فنان يا بودى go on

    ردحذف
  3. ماشي يا مجهول .. أنا معرفش إنتا مين نهائياً.

    ردحذف
  4. احب اقول لحضرتك من موقعى هذا آسفة أقصد من مدونتك هذه ما تقلبش المواجع الكلمات دى وطنية جدا واللى كتبوها الله يرحمهم وطنيين لأن احساسها وصلنا أوى بس للأسف مش كل المعانى الصادقة الجميلة بتتحقق فى الواقع او بيفضل عبيرها ليه نفس العطر تقبل احترامى إيلياء عمارة

    ردحذف
  5. إيلياء عمارة:

    بغض النظر إن أنا مش فاهم كلامك إلا بنسبة 65 % بس.. شكراً على التفاعل :)

    ردحذف

إتكلّم!