الاثنين، 25 يوليو، 2011

فتافيت ملهاش لازمة

· سألته إن كان يدرك الفرق بين الأهلي والزمالك، فقال لي "مافيش"، أصريت ان يقول لي فرقاً واحداً فقال "الفرق بس إن الزمالك خلّصت البوية الحمرا بتاعتها قبل ما تكمّل تلوين تيشرتاتها"، قلت له "تفتكر ده فرق ؟"، رد مبتسماً : "بل وأفتكره ميزة كمان".

· كان لي صديق مقرّب (لم يعد مقرّباً) يكتب جملة "بسم الله الرحمن الرحيم" (الميم لازقة في الألف... بسمالله)، سألته "إزاي بتكتب كده ؟ مبتقراش قرآن ؟!"، قال لي متعجباً (طب وإيه علاقة القران ببسم الله ؟!)، نظرت له نظرة متفحصة ولم أعقّب، لم أعرف إن كان (بيهزّر) ولّا (إيه حكايته؟) ولكنني لم أتجادل حقنا للدماء.

· في الطريق إلى المنزل تقابلنا أعمال حفر، أطل برأسي من شباك السيارة في محاولة لمعرفة نوع الحفر أو سببه، أخمّن (صرف صحي)، تقول أمي..(لأ.. تقريباً كهربا)، أرفع رأسي إلى أعلى (طب ممكن تكون اتصالات مثلا ؟)، أقول بعد أن تقترب اليافطة الرئيسية (خلاص هنعرف أهو)، دائما ما تقابلنا اليافطة بجملة وحيدة لا تتغير (نأسف للإزعاج).


· أن تتبع (ريجيما) وتكون واثقاً من أنه سينجح، هو نفسه أن تقفز من أعلى ناطحة سحاب وأنت واثق من أنك ستطير.

· وضعت سماعات الإم بي ثري في أذني، وابتدأت في هز رأسي مع الأغنية، نظر لي والحزن في عينيه، قال لي بحزن طفولي : "أنا كنت بحبك يا عمو.. كنت عايزك تبقى معايا ف الجنة".

· ظل يكتب في مقالة طويلة، كانت أروع مقالة كتبها في حياته، تأملها طويلاً قبل أن تنقطع الكهرباء فجأة، في ثوان تذكر أنه يستخدم "ويندوز 2000" ويكتب مقالته في جهاز كمبيوتر (مش لابتوب)، كان ذلك كافياً لجعل عينيه محتقنتين لمدة أسبوع كامل.

· مصرلا تحتاج إلى "مرشحين رئاسة"، مصر تحتاج إلى "مُرشح لمرشحين الرئاسة".

هناك 7 تعليقات:

  1. ما شاء الله عليك يا أستاذ عبد الرحمن ,,, أنا بحب أقرأ مقالاتك أوى ,,, هو انت مرتبط ؟ :P:P:P

    بس بصراحة عجبتنى جدًا
    GO ON SALEM !!

    ردحذف
  2. hahahahahah .... 3amla zy kosasat 2abla lel 7ar2 xD xD

    ردحذف
  3. اقل ما يقال ممتاااااااز
    جميلة جدا والله
    أحمد ماهر

    ردحذف
  4. Omar El Walied:

    حالياً لأ بس بفّكر ف الارتباط بقطة من فصيلة ال مش عارف ايه ده.

    M:

    أحمد خالد توفيق... باشا طبعا !


    أحمد ماهر:
    المفروض أقول شكراً يعني ؟ :D

    ردحذف
  5. " مصرلا تحتاج إلى "مرشحين رئاسة"، مصر تحتاج إلى "مُرشح لمرشحين الرئاسة"

    :)))

    ردحذف
  6. :) وبعدين بقى ف الانبهار اللي باكون في كل ما اقرأ لك حاجة يا عبدالرحمن؟؟ مش معقول يا عم الجمال والبساطة والذكاء اللي في كتاباتك دي..رائع فعلا..قال وانت تقولي مالهاش لازمة..
    سلمى سالم

    ردحذف

إتكلّم!