الّلي ثَاروا..
والّلي بعد ما شافُوا اللي ثَاروا.. قامُوا غَاروا ..
والّلي شالوا الحِمل من غير ما يتكلموّا..
والّلي اتجمّعوا.. وعملوا فيها إنهم للشعب استشاروا..
واللي شافوا الحقيقية ولمّا اتكلِموا ..
اتبهّدِلوا ..
واتشردوا..
ثُم..
إستخَاروا..
ربُهم..
على إنهُم..
يكملّوا ولا ميكمّلوش..
وف النهاية... كمّلوا !
وطِلع أدائهم محترم.. ومش فاشوش..
ف اتندموّا..
أو متندّموش ..
ميهمنيش..
أحب أقول للي ف مصر بيعيش..
ثورة مصر لسّاها ما اتدمّرت ..
هيّا بس من قدام اتخربشت..
ومن الاكصدام (اتخرشمت)*..
باللي ماسكين البلد ..
أنا.. وإنتا.. والست الحاجّة.. والوالد.. والوَلد..
هنزُقّها ..
وهندعي ليها ..
إن الميكانيكي..
يِلاقيها ..
- - أو حتّى نلقاه ! –
واللي كان بيزُق معانا.. وتــَاه ..
مفيش قُدامنا إلّا الدُعا بإنه يرجَع..
اللي راح دَه مِش هيرجع..
زقّة كمان ...... وصدقوني هنوّصل.
تمام يا جدعان ؟!
تمام..
هنبتدي شُغل بإذن الإله م اليوم ..
وموّصِيكمش .......
لمّا نوصل..
متنسوش تصحّوني م النوم..!
___
(تحديث: في البداية كان العنوان "مصر لسّه متخشرمتش" حيث أن الخشرمة هي الكلمة الأكثر انتشاراً على مسامعي ولكن بناءاً على طلب بعض الأصدقاء في المدونة وخارجها تم تغييرها حتّى يفهمنا المواطن البسيط، والله المُوفق).
ع.سالم
أغسطس 2011
أغسطس 2011
a7eb 22olak enak zy mabtoktob makalt 7lw
ردحذفlaken el kaseda el so8iara de
agmal 7aga kr2taha leeek bgad
sadek maghol
الله ينور
ردحذفوالله احنا مش هنعرف اتخرشمت ولا لأ إلا لما نروح عند الميكانيكي
ردحذفيا ربي بجد حلوة اوي يا عبدالرحمن..
ردحذفوالنهاية كالعادة جامدة اوي..
بجد..انا باهنيك..
Hossam Elamir :
ردحذفأدينا هنعرف!
بس على فكرة فيه ناس كتير بتقول "اتخشرمت"، رغم إنّي أعرف ييجي 7 أشخاص بيقولوا "اتخرشمت".. الكلمة معقدة وتدل على البهدلة، وده المهم :D
liiiiike :))
ردحذف@hend_mossallam
نو كومينت بجد
ردحذفزي ما اتّقالك قبل كده
زي ما مقالاتك جميله
شعرك كمان اجمل
و الاهم ان فيه رساله حلوه قويييييي
بجد برافو عليك يا ع باشا
و على فكره اعتقد اني سمعتها ( اتشخرمت ) مش ( اتخشرمت ) ..... لكن على اي حال , شكله مصطلح جديد من اللى بيطلعو
و احب مره تانيه احيييييييك
:)
Teen :
ردحذفشكراً على التعليق، وبُص تاني كده على التغيير اللي حصل :D
بحب الخواطر بالاسلوب ده جدااااااااا
ردحذفحلوة اوى .. عجبانى اوى
ميرسى ع.سالم
فعلا كلام رائع الله ينور عليك
ردحذف