أنا مش هنزِل تحت الأرض.
لمجرد إن حد بيقول "الموت جايّ ف الطريق يا جماعة".
أنا مش هموِّت نفسي زي باقي الناس.
أنا لمَّا هنزِل القبر، هفضَل رافع راسي لفوق.
سيبوني أموت.. وأنا بتمّشى.
قبل ما أنزل... تحت الأرض.
كان فيه شائعات وكلام عن حروب ف الطريق.
لذلك، معنى الحياة بقى يتسرسِب مع الرياح.
وبعض الناس كانوا فاكرين إن مشهد النهاية ع الأبواب.
بدل ما يتعلمّوا إزاي يعيشوا،.. كانوا بيتعلموّا إزاي يموتوا.
سيبوني أموت.. وأنا بتمّشى.
قبل ما أنزل... تحت الأرض.
أنا مش متأكد إن كنت ذكي أو لأ، بس أنا متأكد إني هعرف أميّز.. الشخص اللي هييجي
ويخنُقني بحبال الصوف.
ولو فعلًا الحرب والموت جايين.
سيبوني بقه أموت فوق الأرض.. قبل ما أموت تحتها.
سيبوني أموت.. وأنا بتمّشى.
قبل ما أنزل... تحت الأرض.
دايمًا هتلاقي ناس بتحب تجيب سيرة الخوف.
تلاقيهم بيتكلمّوا عن الحرب قبل ما تيجي بسنين.
أنا دايمًا كنت بقرا كُل حاجة، ومنطقش بكلمة.
بس دلوقتي الرب سَمح لصوتي الضعيف إنه –أخيرًا- يتسِـمِع.
سيبوني أموت.. وأنا بتمّشى.
قبل ما أنزل... تحت الأرض.
لو كان عندي ياقوت ومرجان وتِيجان.
زماني كُنت إشتريت العالم وعملت اللي متعملش.
كُنت هَرمِي كل الأسلحة وكل الدبّابّات في البحر.
كنت همسح كل أخطاء الماضي.
سيبوني بقه أموت.. وأنا بتمّشى.
قبل ما أنزل... تحت الأرض.
سيبوني أشرب من الفيضانات، من عنّد جداول الميّة ف الجبال.
سيبوني أشِّم ريحة الزهور الجبلية، اللي بتجري في دمّي.
سيبوني أنام في المروج الخضرا، تحت الأعشاب الطويلة.
سيبوني أتمّشى ف الطريق السريع مع أخويا، في هدوء.
سيبوني أموت.. وأنا بتمّشى.
قبل ما أنزل.. تحت الأرض.
أُخرجوا لبلادكم وإتمشّوا عند النقطة اللي بتتقابل فيها الشمس مع الأرض.
شوفوا الأخاديد والجبال والشلّالات اللي مبتُقفش.
نيفادا، نيومكسيكو، أريزونا، إيدالهو*
خلّوا كل دولّة في الولايات تتسرب داخل أرواحكم.**
ويا ريت تموتوا.. وإنتوا بتتمشّوا.
قبل ما تنزلوا... تحت الأرض.
**من الممكن أن تُصبح برضه "خلّوا كل محافظة في البلَد تتسرب داخل أرواحكم".
__
ترجمة وتمصير: ع.سالم
عجبني أوي التمصير ده.. بجد لذيذة يا عبد الرحمن.. موهوب :)
ردحذف