السبت، 26 نوفمبر، 2011

رشفة أخيرة من كانز أوشك على الفناء



هذا هو الكانز الذي أوشك على الفناء، مش رجّليا.





تَتَأمَل الفَراشةُ قَدماي طَويلًا.

أَرجُوها بَأن تَتوقف، فَتبتسِم وتلُف لِي سِيجارتَين مِن دُخّان المصانِع المَخلوط بغرَام الشَاب الضاحِك فِي غُرفتِه.

أستنشِقهُ، أُعيد تَدوير الحَقِيقة فِي عُقولِ الفَراغ.

أُجبِرها عَلى التَفكير، فَتضحكُ وتَجري مُهرولًا.

تِك.

تُوك.

"هل مِن حَقيقة تَستحِق التَضحِية ؟"

أَسأل نَفسِي، وَأنَا أُحرِّك الأَموات مِن حَولِي كَأي لَاعِب كُوتشِينة مُحترِف.

فَساتيِن مِن الوَرَقِ تَتراقصُ حَولي، أُمسك المَقَص وأُسيح الدِماء فِي المَكان، فَتنظُر لِي الكُّراسة البَيضَاء بأمَل شِبه أَخير.

يبتسِمُ الكَونَ مِن حَولِي، وَتبكِي الطِيور - التّي اكتَشفتُ الآن فَقَط - اَنهَا غَيرُ مُزقزِقَة...


فأعرِفُ حِينَها..

أنّ مَغاَرات عَلي بَابَا، لَم تكُن مُجرّد مَكانًا خُرافيًا لِتخزِين الكُنوز!



_____
22-9-2011
ع.سالم.


ملحوظة: فهمت حاجة ؟ مفهمتش طبعًا، أحب أقولّك إني كتبت البوست ده في دقيقتين و20 ثانية، إرتجاليًا !، وهذا النثر إهداء لكل من يستعبط عليّا ويجعلني أكُع 20 جنيه من أجل أن أشتري كتاب به هبل يعادل ما كتبته أنا دلوقتي، لا أنكر أن النثر يجب أن يكون غامضًا أحيانًا، ولكن مش للدرجة دي يا ولاد الـ.. !

هناك 10 تعليقات:

  1. نعم انا فهمت كلامك ياعلى لانك صحتنى من نومى مع انك كنت نائما
    فهمت حاجة يا على؟؟؟؟؟؟؟؟؟؟؟؟؟

    ردحذف
  2. السلام عليكم..
    عروستي!!!
    تذكرت الآن فورا معنى قول الشاعر الكبير بتاع "الحلزونة يامه الحلزونة"
    ربنا يستر على البلد.
    أتمنى منك ومن جميع الناس الإخلاص في الدعاء.
    تقبل تحياتي على الكلام الكبير أوي أوي.

    ردحذف
  3. ههههههههههه
    هو ده انجليزى يا مرسى
    اقولك البوست ده عايز سِيجارتَين مِن دُخّان المصانِع المَخلوط بغرَام الشَاب الضاحِك فِي غُرفتِه.
    لنستطيع فهمه وتحليله بدقه او بالدقه والسميط
    تحياتى بجد ضحكت جدااااا

    ردحذف
  4. ياسلام
    اهو كده
    ايه الكلام الجامد ده
    حقيقي اتأثرت
    عموما اشكرك واشكر هذا الكتاب
    الذي كان سبب في رسم البسمه

    ردحذف
  5. هههههههههههههه
    قبل مااقرأ تعليقك .. كنت هكتبلك
    متزعلش منى ... بس انت قاصد ايه تحديدا ؟؟؟

    ردحذف
  6. السلام عليكم ورحمة الله
    تحية عطرة
    اعتذار .. لأن التعليق خارج موضوع التدوينة
    دعوة للمشاركة في مشروع مقروءاتي
    للعام الرابع على التوالي
    لمزيد من التفاصيل
    http://qweary555.blogspot.com/2011/11/1432.html

    ردحذف
  7. منورين كلكم، أشكركم :)

    ردحذف
  8. ههههههههه.. عجباني لأقصى درجة.. واقفة عند صور البرتقال البنفسجي ارمقك بهذة النظرات الباردة.. ايه رأيك؟؟ مش أنفع؟ :)

    ردحذف
  9. ياللهول D:
    نفس احساسي لما اقرا حاجه مالهاش اي معني والاقي 20 تعليق بيمدحو في الكاتب الرائع وافكاره العميقه , عميقه لدرجه ان ماحدش عرف يستخرج معناها لسه :))
    بيفكروني بقصه الملك اللي الخياط عمله عبايه وقاله الاذكياء بس اللي هيشوفوها واضطر الملك يطلع من غير هدوم عشان مايبقاش قدام الخياط غبي واضطر الناس كلهم يمدحو العبايه اللي مش شايفينها اصلا !!
    فعلا ولاد ...

    ردحذف

إتكلّم!