* المولات: هو جمع مول، وهو مركز للتسوق والفُسَح بالنسبة للسيدات ومركز قرَف وفُرجَة بالنسبة للرجال.
1- محلات باسكن روبنز.
2- كوستا كافيه وستاربكس وما شابههم.
3- وجبات الـ(هابي ميل) بتاعت ماكدونالدز.
4- اللي بيشتغلوا في ماكدونالدز.
5- اللي بيشتغلوا في الكافيهات.
6- ألعاب الأطفال الهبلة اللي بتصرِف فيها 50 جنيه عشان تكسب تِكِتس تبدّلها بلعبة بـ3 جنيه ونص.
7- الأطفال الفرحانين.
8- الأطفال الزعلانيين اللي بيعيطوا بصوت عالي زيادة عن اللزوم.
9- الأطفال اللي بيزنّوا على دخول الحمام أول ما يدخلوا المول.
10- العائلات اللي بتبقى جايّة بـ8 أو 9 أطفال معاهم.
11- البنات الأمامير الضاحكات.
12- الولاد الفرحانين اللي ماشيين مع البنات الأمامير الضاحكات.
13- الراجل اللي بيقف يتفرج عليك ويمنعك من انتا "تطلع" السلم الكهربائي اللي "نازل" لتحت.
14- بتاع المارشملو اللي بيبع الـ10 قطع مارشملو بـ5 جنيه.
15- أي حد بيبيع بلالين سبونج بوب*.
16- أي حد بيبيع هدوم سبونج بوب.
17- ساحات التزحلق على الجليد.
18- الولاد اللي بتخش تتزحلق وهيّا مبتعرفش تلعب أصلًا.
19- الولاد اللي بتخش تتزحلق وتلعب زي راقصات الباليه.
20- التلفزيونات اللي بتبقى شايف الصورة بس ومفيش صوت، الصوت بيبقى أغنية لحماقي أو تامر عاشور غالبًا.
21- العائلات المحترمة اللي بتدخل فيلم زي "حصل خير".
22- العائلات غير المحترمة اللي بتدخل فيلم زي "حصل خير".
23- المينيمم شارج.
24- الجرسون اللي مبيطلبش "تبس" بس عينه هتطلع على الأكل اللي بتاكله.
25- .الولد اللي بيعيط ويقول لمامته وهمّا بياكلوا "عايز أعمل بيبي".
26- الستات المنقبات اللي بتاكل آيس كريم في عز الزحمة ومش عارفة لا تخبّي وشها ولا تاكل زي الناس.
27- الست اللي بتوقّف جوزها نص ساعة برّه (زارا) عشان تشتري حاجة ليها، وف الآخر تطلع فارغة الايدين.
28- بتوع الموبايلات اللي بيبيعوا الموبايل بسعر أغلى من المعتاد.
29- الولد اللي بيزّن على شراء بالونة سبونج بوب.
30- الولد اللي بيقعد يضحك فرحان من البالونة.
31- الولد اللي من عبطه بتفلت البالونة منه وبتطلع فوق فيقعد يشاور عليها ويعيّط.
32- الأب اللي سمح لابنه إنه يشتري بالونة سبونج بوب.
33- الست اللي بتسأل "عايزين الكرسي ده" ولما حد يقولها "لأ معلش في حد هنا" تِتأفِف.
34- الولاد اللي بيشربوا السجاير.
35- الأب اللي بيقعد يزعّق في ولاده.
36- ولاد الأب اللي بيخلوا أبوهم يزعقلهم.
37- الولاد والبنات اللي بيبقوا ماسكين البلاك بيري ومشغولين بيه وهما بيتمشوا، ولما تخبط في حد منهم يبتسملك ويقولك "آسف" ويكمّل في طريقه.
38- الست اللي بتشحت قدام العربيات بره المول.
39- البنات اللي شعرها كيرلي ولابسة قميص سبونج بوب/ شعار سوبر مان.
40- الولاد اللي شعرهم كيرلي ولابسين قُمصان بينك فلويد**/شعار سوبر مان.
*عمومًا أنا مبكرهش الشخصية أوي، بالعكس، أحيانًا بتبقى لطيفة.
**تنويه مهم: أنا بحب بينك فلويد، آه والله.
